Vi har fått ny nettstad. Denne nettstaden blir ikkje lenger oppdatert. Du finn oss på statsforvaltaren.no.
Tildeling av tilskot til utvikling og forbetring av sosiale tenester
Vi har tildelt 17 250 000 kroner til 26 stillingar i 15 utviklingsprosjekt i Nav-kontora i Vestland.
Dette innhaldet er meir enn eitt år gammalt. Informasjonen kan derfor vere utdatert.
Publisert 11.03.2025
Nav-kontora arbeider målmedvite for å utvikle og forbetre tenesteytinga, og som eit bidrag til dette tilbyr statsforvaltarane midlar til treårige prosjekt. Prosjekta skal bidra til å utvikle eit heilskapleg og samordna tenestetilbod, som er betre tilpassa behova til brukarane. Gjennom nye arbeidsmetodar og samarbeidsformer vil Nav forbetre kvaliteten i dei sosiale tenestene, og med det hjelpe brukarane til å få betre levekår.
17 250 000 kroner
I år fekk vi 17 250 000 kroner frå Arbeids- og velferdsdirektoratet til utviklingsprosjekt ved Nav-kontora i Vestland.
Fleire prosjekt fekk siste tilskot i fjor, etter å ha fått prosjektmidlar for tre år. Vi hadde difor rom til å gi tilskot til oppstart av fire nye prosjekt i 2025, i tillegg til dei elleve pågåande prosjekta som ikkje er ferdig med treårsperioden.
I 2025 er tilskot til lønn og lønnsrelaterte midlar 750 000 kroner.
Fire nye prosjekt
Ti nye prosjekt søkte om midlar, men vi hadde økonomiske ramme til å kunne innvilge midlar til desse fire nye prosjekta:
- Nav Bergenhus – ei stilling til «Mester i eget liv»
- Nav Bjørnafjorden – ei stilling til «Levekårskontakt ved Nav Bjørnafjorden»
- Nav Voss – to stillingar til «Trygge heim: Trivselsvaktmeistrar i kommunale bustader»»
- Nav Sunnfjord og ytre Sogn – to stillingar til «Restart – frå flyktning til ressurs»
Her kan du sjå oversikta over alle dei 15 pågåande prosjekta i Vestland.