English Norsk (bokmål) Davvisámegiella Åarjelsaemiengiele

Vi har fått ny nettstad. Denne nettstaden blir ikkje lenger oppdatert. Du finn oss på statsforvaltaren.no.

Populært totalberedskapskurs for toppleiarar

Vi ser første kull av totalberedskapskurset stilt opp utanfor ei av brakkene på Setnesmoen. Dei tre arrangørene står i midten.
Her er første kull på Totalberedskapskurs samla våren 2024. Dei tre arrangørane, statsforvaltar Else-May Botten, politisjef Ingar Bøen og distriktsjef HV-11 Richard Moen, står i midten, i lag med sjef Heimevern, Frode Ommundsen (nærast statsforvaltaren). Foto: Statsforvaltaren i Møre og Romsdal / Lena S. Sandvik.

Godt over 100 toppleiarar i Møre og Romsdal har vore gjennom eit fem dagar langt totalberedskapskurs for å forstå den tida vi lever i, og for å bli førebudd for eventuelle kriser og krig. Høyr podkast om det populære kurset! 

Publisert 19.12.2025

Lytt til podkasten:
Libsyn Five | Populært totalberedskapskurs for toppleiarar

Denne episoden av «For folk og natur» handlar om totalforsvaret - og om totalberedskapskurs for toppleiarar. Totalforsvaret er samarbeidet mellom militæret og sivile i Norge, og skal beskytte landet mot kriser, konflikter og krig.

Cirka 120 toppleiarar frå offentleg og privat sektor i Møre og Romsdal har dei siste to åra vore gjennom eit fem dagar langt totalberedskapskurs for å forstå den tida vi lever i, og for å bli førebudd for eventuelle kriser og krig. Bak kurset står statsforvaltar Else-May Botten, saman med politisjefen og distriktsjefen i heimevernet.

Kurset har blitt svært populært – og er ønska over heile landet.

Om podkasten 

I studio er kommunikasjonsleiar og produsent Lena Skattum Sandvik i samtale med statsforvaltar Else-May Botten. Lars Levende Jacobsen har ansvar for det tekniske.

Denne episoden vart publisert 18. desember 2025

For folk og natur

Les meir om podkasten «For folk og natur» her …

Podkastens tittel spelar på Statsforvaltarens visjon: Trygg framtid for folk og natur.

Dokument

Lytt til podkasten