Gården som arena for gode og førebyggande tenester for barn og familie

Fagleg påfyll og refleksjon

Marie Teigland, Statsforvalteren i Møre og Romsdal og Siri Ingeborg Bruem, Statsforvaltaren i Trøndelag opna samlinga. Prosjektleiar Leif Kvitvang presenterte utviklingsprosjektet, som er delfinansiert av Trøndelag og Møre og Romsdal fylkeskommuner, og eigd av Inn på tunet Norge SA. Prosjektet fokuserer på å utvikle tenestekonsept innan barn og familie, samt vidaregåande opplæring.

Kvitvang presenterte funn frå ei spørjeundersøking som SINTEF har utført på vegne av prosjektet. Dette gav innblikk i status hos oppdragsgivarane innan fagområdet barn og familie. Aktuelle utfordringar og moglegheiter innan tenestene er viktigheita av å gjere tilbodet kjent, gode samarbeid på tvers stram kommuneøkonomi, og økte behov for hjelpetiltak som er stadig meir komplekse.

Behov for fleire akuttberedskapsheimar

Barnevernstenesta i Molde, representert ved Gunn Risan Nakken og Kristin Heggdal la fram korleis barneverntenesta jobbar opp mot barn og familie. Deltakarane fekk innsyn i korleis systemet fungerer og eit innblikk i den overordna organiseringa. For tida manglar Bufetat mange akuttplasseringsalternativ og ordinære plasseringsalternativ både her i fylket og nasjonalt, og barnevernet håper at fleire av Inn på Tunet gardane på sikt vil vurdere å ta imot fosterbarn for korte eller lengre periodar. Dei la vekt på at Bufetat tilbyr gode kurs og opplæring i forkant. Dei ser også stor nytte av familiar som har moglegheit til å ta imot hele familiar, eller en forelder med egne barn og potensiale i å bruke garder som samværsarena. Tidleg innsats er ein nøkkelfaktor.

Tenesteutvikling og idémyldring

Dagleg leiar i  Inn på tunet Norge, Hege Lindstrøm, leia ein engasjerande workshop der deltakarane arbeidde i grupper for å utvikle nye tenestekonsept. Her fekk alle deltakarane høve til å bidra med sine idear og perspektiv på korleis gardane kan fronte tenestane sine på for barn og unge på ein innovativ måte. Deltakarane vart også utfordra på å tenke kva som skil eit Inn på Tunet-tilbod frå andre tilbod som rettar seg mot barn og familie, og utfordra på å tenke alternative måtar å tilby tenester på.

Vegen vidare

Inn på tunet Norge SA ser på denne workshopen som eit viktig steg i arbeidet med å utvikle gode og førebyggande tenester for barn og familie. Hege Lindstrøm uttrykte stor takksemd for dei verdifulle innspela og engasjementet frå deltakarane, og ser fram til vidare arbeid med å realisere dei nye tenestekonsepta.

Med ei aktiv styringsgruppe som inkluderer representant frå bondelaget, nettverket IPT Møre og Romsdal, medlemsgardar i fylka, fylkespolitikarar og Statsforvaltarane i Trøndelag og Møre og Romsdal, er prosjektet godt rusta til å oppnå måla.