Vi har fått ny nettstad. Denne nettstaden blir ikkje lenger oppdatert. Du finn oss på statsforvaltaren.no.
Barnehagekonferansen feirer 20 år som fagleg møteplass
Gjennom to tiår har konferansen vore ein viktig fagleg møteplass for kunnskapsdeling og fagleg utvikling i barnehagesektoren. Jubileumskonferansen har fått tittelen «Gi meg tid».
Dette innhaldet er meir enn eitt år gammalt. Informasjonen kan derfor vere utdatert.
Publisert 23.10.2024
20 år med kvalitetsutvikling
– I år er det 20 år sidan Barnehagekonferansen i Møre og Romsdal først vart arrangert, og jubileet blir feira med stor entusiasme i Ålesund. Sidan 2003 har konferansen utvikla seg til å bli ein av dei mest sentrale faglege møteplassane for pedagogisk personale i barnehagane, barnehageansvarlege på kommunnivået, PPT og høgskuletilsette, seier Maren Ørjasæter.
Gjennom desse åra har konferansen følgt utviklinga i barnehagesektoren tett, med tema som har spegla både dei store samfunnsutfordringane og dei daglege utfordringane ein står overfor i sektoren. Heile tida med søkjelys på kvalitetsutvikling i barnehagen.
Aktuelle tema gjennom to tiår
Konferansen har kvart år fokus på tidsaktuelle tema. Ein får oppdatere seg på lov- og regelverk, innhald i stortingsmeldingar og strategiar, og ein blir fagleg oppdatert på den nyaste forskinga innan feltet. Konferansen har bidratt til å løfte kompetansenivået i sektoren og samtidig vore med å skape eit sterkt fagleg fellesskap.
I år er temaet "Gi meg tid!" og innhaldet er eit uttrykk for behovet både barna og dei tilsette kjenner på.
Samarbeidskonferanse
Barnehagekonferansen har vore eit viktig samarbeid mellom Høgskulen i Volda, Utdanningsforbundet Møre og Romsdal og Statsforvaltaren.
Framtidige utfordringar
Barnehagekonferansen vil halde fram med å vere ein møteplass for fagleg utfordring, drøfting og kompetanseutvikling, med mål om å sikre ein inkluderande barnehage for alle barn.
